讀者投稿《鐘意南瓜奶奶篇》
某星期六番99度食飯，當時5點左右，得我同99喺屋企(單挑)。我預備餵蕃薯粥(6個月試轉固體)， 99就開始發功喇。。
1. 做咩煲蕃薯粥，咁飽咁滯唔食奶點算？(心諗就係要開始代替奶呀！)
2. Bb唔算食得太多，99就話日日煲蕃薯粥梗係唔食啦， 叫你日日食都厭，應該煲南瓜粥(心諗要試2,3日睇下有無敏感呀！同埋南瓜已經岩岩試完lor)
3. 食完補奶粉6安食得3安，99就話個bb做咩唔食奶浪費哂，快d食埋佢，跟住一手拎左我手上支奶格硬隊入bb個口食，bb梗係掙扎啦，我終於忍唔住唔係心諗而係大聲話: 佢飽唔食呀！(雖然內心都係想講粗口)
題外話，上星期六又番99屋企，今次煲蕃茄，99見到又問係咪煲南瓜粥，餐餐都話南瓜你厭唔厭呀！
退一步海闊天高。
Search